Қазақстанда қыздарға адам папилломавирусына (HPV) қарсы вакцинация басталды

Елімізде жатыр мойны обырының негізгі қоздырғышы – адам папилломавирусына қарсы ауқымды вакцинациялау бағдарламасы іске қосылды. Бұл дерт Қазақстан әйелдері арасында ең көп таралған қатерлі ісіктердің ішінде екінші орында тұр және 25–44 жас аралығындағы әйелдердің өлімінің негізгі себептерінің бірі. Жыл сайын елде шамамен 1 900 жаңа жағдай тіркеледі.

2024 жылғы 17 қыркүйектегі № 11 Қазақстан Республикасының Бас мемлекеттік санитариялық дәрігерінің қаулысына сәйкес, вакцинациялау мынадай тәртіпте жүргізіледі:

✅ жоспарлы түрде — 11 жастағы қыздарға;

✅ қалдырғандарды толықтыру үшін — 12–13 жастағы қыздарға.

💉 Маңызды жайт: екпе тек ата-аналардың немесе заңды өкілдердің келісімімен жасалады.

Мамандар HPV вакцинасы жатыр мойны обыры мен кейбір сүйел түрлерін тудыратын вирус штамдарынан қорғайтынын еске салады.

📊 Бұл не үшін маңызды?

– Ерте жастағы вакцинация вирус жұқтыру мен оның таралуын алдын алады.

– Жаппай иммундау болашақта әйелдерде қатерлі ісікке шалдығу қаупін айтарлықтай төмендетеді.

📍 Ақмола облысының санитариялық-эпидемиологиялық бақылау департаменті атап өткендей: вакцинация — бұл бір реттік шара емес, болашақ ұрпақтың денсаулығын нығайту мен елдегі онкологиялық ауыртпалықты азайтуға бағытталған ұзақ мерзімді стратегия.

Бейне сілтемеде -